எழுத்து இலக்கணம்: மொழியைத் தெளிவுறப் பேசவும் எழுதவும் உதவுவது இலக்கணம். மொழியின் சிறப்புகளை அறியவும் இலக்கணம் துணை செய்யும்.

எழுத்து

உயிர்மெய், ஆய்தம், உயிரளபெடை, ஒற்றளபெடை, குற்றியலுகரம், குற்றியலிகரம், ஐகாரக்குறுக்கம், ஔகாரக்குறுக்கம், மகரக்குறுக்கம், ஆய்தக்குறுக்கம் ஆகிய பத்தும் சார்பெழுத்துகள் ஆகும்.

அளபெடுத்தல் – நீண்டு ஒலித்தல்

பேச்சு வழக்கில் சொற்களை நீட்டி ஒலித்துப் பேசுவோம். அவ்வாறு பேசும்போது உணர்வுக்கும் இனிய ஓசைக்கும் அளபெடுத்தல் பயன்படுகிறது.

எ.கா. அம்மாஅ,தம்பீஇ

1. உயிரளபெடை: செய்யுளில் மொழிக்கு முதலிலும் இடையிலும் இறுதியிலும் நிற்கிற உயிர் நெட்டெழுத்துகள் தத்தம் அளவில் நீண்டு ஒலிக்கும்போது அதைக் குறிக்க நெட்டெழுத்துகளின் இனமான குற்றெழுத்துகள் அவற்றின் பின்னால் வரும். இவ்வாறு வருவது உயிரளபெடை எனப்படும்.

உயிரளபெடை மூன்று வகைப்படும்.

• அ) செய்யுளிசை அளபெடை
• ஆ) இன்னிசை அளபெடை
• இ) சொல்லிசை அளபெடை

அ) செய்யுளிசை அளபெடை: செய்யுளில் ஓசை குறையும்போது அதனை நிறைவு செய்ய, நெட்டெழுத்துகள் அளபெடுத்தலைச் செய்யுளிசை அளபெடை என்போம். இதனை இசைநிறை அளபெடை என்றும் கூறுவர்.

ஆ) இன்னிசை அளபெடை: செய்யுளில் ஓசை குறையாத இடத்திலும் இனிய ஓசைக்காக குறில் நெடிலாகி அளபெடுப்பது இன்னிசை அளபெடை ஆகும்.

கெடுப்பதூஉம் கெட்டார்க்குச் சார்வாய் மற்றாங்கே

எடுப்பதூஉம் எல்லாம் மழை.

இ) சொல்லிசை அளபெடை: செய்யுளில் ஒரு பெயர்ச்சொல் எச்சச் சொல்லாகத் திரிந்து அளபெடுப்பது சொல்லிசை அளபெடை ஆகும்.

உரனசைஇ உள்ளம் துணையாகச் சென்றார்

வரனசைஇ இன்னும் உளேன்.

ஒற்றளபெடை: செய்யுளில் ஓசை குறையும்போது அதனை நிறைவுசெய்ய மெய்யெழுத்துகளான ங், ஞ், ண், ந், ம், ன், வ், ய், ல், ள் ஆகிய பத்தும், ஃ என்னும் ஆய்த எழுத்தும் அளபெடுப்பது ஒற்றளபெடை ஆகும்.

எங்ங்கிறைவன்

எஃஃகிலங்கிய கையராய் இன்னுயிர்

சொல் இலக்கணம்: ஓர் எழுத்து தனித்தோ, பல எழுத்துகள் சேர்ந்தோ பொருள் தரும் வகையில் அமைவது சொல் ஆகும். அது, இரு திணைகளையும் ஐந்து பால்களையும் குறிக்கும். மூவகை இடங்களிலும் வரும். உலக வழக்கிலும் செய்யுள் வழக்கிலும் வரும்.  வெளிப்படையாகவும் குறிப்பாகவும் விளங்கும்.

(இன்சொல், எழுகதிர், கீரிபாம்பு, பூங்குழல் வந்தாள், மலை வாழ்வார், முத்துப்பல்)

1. இன்சொல் – பண்புத்தொகை

• இனிமையான சொல் கூறுதல் சான்றோர்க்கு அழகு

2. எழுகதிர் – வினைத்தொகை

• கடலின் நடுவே தோன்றும் ஏழுகதிரின் அழகே அழகு

3. கீரிபாம்பு – உம்மைத்தொகை

• பகைவர்கள் எப்போதும் கீரியும் பாம்பும் போல இருப்பார்கள்

4. பூங்குழல் வந்தாள் – அன்மொழித் தொகை

• பூப் போன்ற கூந்தலையுடைய பெண் வந்தாள்

5. மலை வாழ்வார் – ஏழாம் வேற்றுமைத் தொகை

• பழங்குடியினர் மலையின் கண் வாழ்பவர்

6. முத்துப் பல் – உவமைத் தொகை

• வெண்மதியின் முத்துப் பல் மேலும் அவளுக்கு அழகு சேர்க்கிறது.

அறிஞருக்கு நூல், அறிஞரது நூல்ஆகிய சொற்றொடர்களில் பொருளை வேறுபடுத்தக் காரணமாக அமைவது – வேற்றுமை உருபு

இலக்கணம் – பொது
இருதிணை ஆறறிவுடைய மக்களை உயர்திணை என்றும் மற்ற உயிரினங்களையும் உயிரற்ற பொருள்களையும் அஃறிணை (அல்திணை) என்றும் வழங்குவர்.

ஐம்பால் பால் என்பது திணையின் உட்பிரிவு ஆகும் (பால்-பகுப்பு, பிரிவு). இஃது ஐந்து வகைப்படும். உயர்திணை ஆண்பால், பெண்பால், பலர்பால் என மூன்று பிரிவுகளை உடையது.
அஃறிணை ஒன்றன்பால், பலவின்பால் என இரு பிரிவுகளை உடையது.

உயர்திணைக்குரிய பால் பகுப்புகள்

வீரன், அண்ணன், மருதன் – ஆண்பால்

மகள், அரசி, தலைவி – பெண்பால்

மக்கள், பெண்கள், ஆடவர் – பலர்பால்

அஃறிணைக்குரிய பால் பகுப்புகள்

அஃறிணையில் ஒன்றனைக் குறிப்பது ஒன்றன்பால் ஆகும்.   எ.கா. யானை, புறா, மலை.
அஃறிணையில் பலவற்றைக் குறிப்பது பலவின்பால் ஆகும்.   எ.கா. பசுக்கள், மலைகள்.

மூவிடம்: தன்மை, முன்னிலை, படர்க்கை என இடம்

வழு – வழாநிலை – வழுவமைதி

இலக்கண முறையுடன் பிழையின்றிப் பேசுவதும் எழுதுவதும் வழாநிலை எனப்படும். இலக்கணமுறையின்றிப் பேசுவதும் எழுதுவதும் வழு எனப்படும்.

குலசேகர ஆழ்வார் ‘வித்துவக்கோட்டம்மா’ என்று ஆண் தெய்வத்தை அழைத்துப் பாடுகிறார். பூனையார் பால்சோற்றைக் கண்டதும் வருகிறார் – பால் வழுவமைதி, திணை வழுவமைதி

ஐவகை நிலங்கள் –

பெரும்பொழுது (ஓராண்டின் ஆறு கூறுகள்) :

கார்காலம்                         – ஆவணி, புரட்டாசி

குளிர்காலம்                      – ஐப்பசி, கார்த்திகை

முன்பனிக் காலம்          – மார்கழி, தை

பின்பனிக் காலம்           – மாசி, பங்குனி

இளவேனிற் காலம்        – சித்திரை, வைகாசி

முதுவேனிற் காலம்       – ஆனி, ஆடி

சிறுபொழுது (ஒரு நாளின் ஆறு கூறுகள்) :

காலை                                 – காலை 6 மணி முதல் 10 மணி வரை

நண்பகல்                           – காலை 10 மணி முதல்  2 மணி வரை

எற்பாடு                               – பிற்பகல் 2 மணி முதல் 6 வரை

மாலை                                 – மாலை 6 மணி முதல் இரவு 10 மணி வரை

யாமம்                                  – இரவு 10 மணி முதல் இரவு 2 மணி வரை

வைகறை                           – இரவு 2 மணி முதல் காலை 6 மணி வரை

புறப்பொருள்

புறம் பற்றிய நெறிகளைக் கூறுவது புறத்திணை புறத்திணைகள், வெட்சி முதலாகப் பன்னிரண்டு வகைப்படும்.

பா வகை