ஒருமை பன்மை தவறை நீக்கி எழுதுதல்

இது ஒரு எளிய வகை வினா, தேர்வரின் தமிழறிவை சோதிக்கும் வண்ணம் , வாக்கியங்களில் வரும் ஒருமை/பன்மை (singular/flural) வேறுபாடுகளை கண்டறியும் திறனை சோதிக்கும் வண்ணம் இருக்கும்.

ஒருமை

ஒருமை என்பது ஒன்றை மட்டும் குறிப்பது.

ஒருமையில் தொடங்கும் ஒரு தொடரின் முடிவு ஒருமையில் தான் முடியவேண்டும்

(எ.கா.) மரம் சாய்ந்தது, அறிஞர் வந்தார்

பன்மை

பன்மை என்பது ஒன்றிற்கு மேற்பட்டவைகளைக் குறிப்பது.

பன்மையில் தொடங்கும் ஒரு தொடரின் முடிவு பன்மையில் தான் அமைய வேண்டும்

(எ.கா.) மரங்கள் சாய்ந்தன, கருவிகள் பழுதடைந்தன

தன்மைப் பெயர்

முன்னிலைப் பெயர்

படர்க்கைப் பெயர்

ஒரு, அது எனும் சொல்லையடுத்து முதலெழுத்து உயிர் எழுத்தாக உள்ள சொல் வந்தால் ஒரு-ஓர் என்றும் அது-அஃது என்று வரும்.

ஒவ்வொரு என்னும் சொல்லையடுத்து நாளும், காசும் என்பன போல ஒருமைச் சொற்களே வர வேண்டும்.

பிழையும்‌ திருத்தமும்‌ கீழே காணப்படுபவை பிழையான சொற்றொடர்கள்‌.

சிங்கம்‌ வந்தான்‌ -(வந்தது)

இராமன்‌ அழுதாள்‌-(அழுதான்)

பறவைகள்‌ பாடியது-(பாடின)

அவன்‌ வந்தேன்‌ -(வந்தான்‌)

ஒருமை – பன்மை பிழை திருத்தம்‌

அ. காற்று வீசின; மரங்கள்‌ அசைந்தது.  – காற்று வீசியது; மரங்கள்‌ அசைந்தன.

ஆ. தங்கப்பனும்‌ செல்லப்பனும்‌ பள்ளிக்குச்‌ சென்றான்‌. –  தங்கப்பனும்‌ செல்லப்பனும்‌  பள்ளிக்குச்‌ சென்றனர்‌.

காலம்‌ பிழை திருத்தம்‌

அ. நாளைக்கு நான்‌ ஊருக்குப்‌ போய்ச்‌ சேர்ந்தேன்‌. – நாளைக்கு நான்‌ ஊருக்குப்போய்ச்‌ சேர்வேன்‌.

ஆ. நேற்று பால்‌ பொங்குகிறது. – நேற்று பால்‌ பொங்கியது.

தான், தாம் என்னும் சொற்கள்

தான் என்பது ஒருமையைக் குறிக்கும். தாம் என்பது பன்மையைக் குறிக்கும்.

தான், தன்னை, தன்னால், தனக்கு, தனது ஆகியவற்றை ஒருமைத் தொடர்களில் பயன்படுத்த வேண்டும்.

தாம், தம்மை, தம்மால், தமக்கு, தமது ஆகியவற்றைப் பன்மைத் தொடர்களில் பயன்படுத்த வேண்டும்.

(எ.கா.) தலைவர் தமது கையால் பரிசு வழங்கினார்.   (ஒருமை)

மாணவன் தனது கையால் பெற்றுக் கொண்டான்.      (பன்மை)

(இங்குத் தலைவர் என்பது ஒருவரைக் குறித்தாலும் இது மரியாதைப் பன்மை ஆகும்)

(எ.கா.) மாடுகள் தமது தலையை ஆட்டின.                     (பன்மை)

கன்று தனது தலையை ஆட்டியது.                                      (ஒருமை)

சிறுமி _____ (தனது/தமது) கையில் மலர்களை வைத்திருந்தாள்.

அம்பேத்கர் ஒடுக்கப்பட்ட மக்களின் உயர்வுக்காகத் _____ (தனது/தமது) உழைப்பை நல்கினார்.

உயர்ந்தோர் _____ (தம்மைத்தாமே/தன்னைத்தானே) புகழ்ந்து கொள்ள மாட்டார்கள்.

இவை _____ (தான்/தாம்) எனக்குப் பிடித்த நூல்கள்.

குழந்தைகள் _____ (தன்னால்/தம்மால்) இயன்ற உதவிகளைப் பிறருக்குச் செய்கின்றனர்.