எழுவாய்

சொற்றொடர் அமைவதற்கு அடிப்படையாக அமைந்த பெயர்ச் சொல்லையே எழுவாய் என்கிறோம்.

சான்று : எட்வர்டு வந்தான். இதில் “எட்வர்டு” எழுவாய்

பயனிலை

ஒரு தொடரில் பயன் நிலைத்து இருக்கும் இடத்தைப் பயனிலை என்கிறோம். வினைச்சொல்லே பயனிலை ஆகும்.

சான்று : கனகாம்பரம் பூத்தது. இதில் “பூத்தது” பயனிலை

செயப்படுபொருள்

எழுவாய் அடிப்படையாகத் தேர்தெடுக்கப்பட்ட பொருளே செயப்படுபொருள் ஆகும்.

சான்று : மீனா கனகாம்பரத்தைச்‌ சூடினாள்‌

மீனா என்னும்‌ பெயர்ச்சொல்லே எழுவாய்‌ ஆகும்‌. அவ்வெழுவாயின்‌ பயனிலை சூடினாள்‌ என்பதாகும்‌. எனில்‌, மற்றொரு பெயர்ச்சொல்லான கனகாம்பரம்‌ என்பது யாது? அது செயப்படுபொருள்‌ என்று அழைக்கப்படுகிறது. எழுவாய்‌ ஒரு வினையைச்‌ செய்ய அதற்கு அடிப்படையாய்த்‌ தேர்ந்தெடுக்கப்பட்ட செயப்படுபொருள்‌ ஆகும்‌.

வினை வகைகள்‌ – தன்வினை, பிறவினை:

தன்வினை:

தன்வினை என்பது ஒருவர் தானே செய்வது.

எழுவாய்‌ ஒரு வினையைச்‌ செய்தால்‌ அது தன்வினை எனப்படும்‌. சான்று : பந்து உருண்டது என்பது தன்வினை

பிறவினை: 

பிறவினை என்பது பிறரைச் செய்யும்படி ஆக்குவது. ஒரு எழுவாய் ஒரு செயலை பிறரைக் கொண்டு செய்தால் அது பிறவினை வாக்கியம் ஆகும்.
‘பித்து’ ‘வித்து‘ எனும் சொற்கள் சேர்ந்து வரும்.

எழுவாய்‌ ஒரு வினையைச்‌ செய்ய வைத்தால்‌ அது பிறவினை எனப்படும்‌. சான்று : உருட்டவைத்தான்‌ என்பது பிறவினை.

பிறவினைகள்‌, வி, பி போன்ற விகுதிகளைக்‌ கொண்டும்‌ செய்‌, வை, பண்ணு போன்ற துணை வினைகளை இணைத்தும்‌ உருவாக்கப்படுகின்றன.